اسلام آباد ۔ 19 اپریل (اے پی پی) قومی اسمبلی کو ں ڈسایا گیا جو بلغاریہ اچ6 پاکستانی شہریاں کوں سزا ڈتی گی ہے ، پاکستانی مشن بلغاریہ دے حکام نال نیڑے دے رابطے اچ ہن ، پاکستانی شہریاں کوںغیر قانونی طریقے نال پاکستانیاں کوں باہر لے ملک بھیجنڑ آلے پروموٹرز دے خلاف کارروائی کیتی گی ہے۔ بدھ کوں قومی اسمبلی اچ وقفہ سوالات دے دوران شیخ روحیل اصغر اتے غوث بخش مہر دے سوال دے جواب اچ وزیراعظم دے مشیر خارجہ امور سرتاج عزی?? آکھیا ہے جو 6 پاکستانیاں کوں بلغاریہ اچ سزا ڈتی گی ہے جڈاں جو 99 قید خانیں اچ ہن جیرھے لوک قید خانیں اچ ہوندے تے انہاں کوں ملک بدر کر ڈتاویندا ہے اساں انہاں کوں ہر قسم دیاں سہولتاں ڈیندے پیوں ۔ بلغاریہ دیاں جیلاں اچ پاکستانی شہریاں کوں قید رکھنڑ دی بنیادی وجہ غیر قنونی طور تے سرحد پار کرنڑ ہے ۔ پاکستانیاں دی قومیت دی سخت طریقے نال جانچ پڑتال کیتی ویندی ہے ۔ صوفیہ اچ اساڈا مشن بلغاریہ دے حکام نال نیڑے رابطے اچ ہے ۔ نادار پاکستانی دی صورت ??چ مشن قیدیاں کوں ضروری قانونی اتے مالی معاونت فراہم کریندا ہے ہے۔ ترکی اچ 300 توں ودھ پاکستانی قید ہن انہاں کوں یورپ توں واپس بھیجا ویندا ہے،غیر قنونی تھیونڑ آلے پروموٹرز دے خلاف کارروائی کیتی گی ہے ۔ ایس اے اقبال قادری دے سوال تے وزیراعظم دے مشیر خارجہ امور سرتاج عزی?? آکھیا ہے جو ایں ویلھے ملک 11764 پاکستانی قید اتے زیر حراست لوک ہن، پاکستانی سفارت ??انے انہاں قیدیاں اتے زیر حراست لوکاں کوں سارے ممکنہ قنونی تے قونصلر معاونت فراہم کریندے ہن ۔
.jpg)
