ساکوں ڈکٹیشن نا ݙتی ونڄے، الیکشن دا فیصلہ اتحادی حکومت اتے پارلیمنت کریسی، وزیراعظم شہباز شریف دا قومی اسمبلی اچ خطاب

اسلام آباد۔26مئی(اے پی پی)وزیراعظم شہباز شریف آکھیے جو عمران خان کہیں ھل اچ نا راہون، ساکوں ڈکٹیشن نا ݙیون، الیکشن کراوݨ دا فیصلہ ساݙیاں اتحادی جماعتاں اتے پارلیمنٹ کریسی، عمران خان ہک صوبے نال رل تے وفاق تے حملہ کیتے، کہیں جماعت یا جتھے کوں آئین نال بغاوت دا حق نئیں ݙتا ونڄ سڳدا، انہاں معیشت تباہ کرݨ اتے معاشرے کوں ونݙݨ دے علاوہ ٻیا کڄھ نئٰیں کیتا، عدلیہ اتے اداریاں کوں بدنام کیتا ویندا پئے، مذہب کوں ذاتی مقاصد کیتے استعمال کریندن، انتخابات (ترمیمی) بل دی منظوری نال شفاف الیکشن دی بنیاد رکھ ݙتی اے، ٻݙدی اتے ہلدی معیشت کوں کنی لیسوں، پاکستان کوں عظیم ملک ٻݨاوݨ کیتے جان لڑا ݙیسوں۔ اے ڳالھ انہاں قومی اسمبلی اچ خطاب کریندے آکھی۔ انہاں کشمیری حریت رہنما کوں عمر قید ٻولݨ تے ٻھارت دی مذمت کریندے آکھیا جو یاسین ملک کوں کوڑے مقدمے اچ سزا ݙتی ڳئی اے، پاکستان ایں سزا دے خلاف اتے اقوام متحدہ دی قرارداداں دے مطابق کشمیریاں دے حق خودارادیت کیتے انہاں دے نال کھڑا ہوسی۔ انتخابی اصلاحات اتے معاشی بحالی ساݙے اہداف ہن جیندے اچوں اڄ انتخابی اصلاحات دا بل منظور تھی چکیے، معشیت سنبھالݨ اوکھ اے ٻھل ایندے کیتے سخت محنت کرݨی پوسی جو حالات دا رخ بدلے۔

مضمون کا ماخذ : ہرکیولس اور پیگاسس

متعلقہ مضامین