امت مسلمہ کوں درپیش چیلنجز تے سانجھی کوششاں کر تے قابو پاتا ونڄ سڳدے، سیکرٹری جنرل او آئی سی حسین براہیم طحہ دا وزراء خارجہ کونسل دے 48 ویں اجلاس توں خطاب

APP39-220322 ISLAMABAD: March 22 Secretary-General OIC, H.E. Hissein Brahim Taha addressing the inaugural session of the 48th OIC Foreign Ministers Conference at Parliament House. APP photo by Irshad Sheikh

اسلام آباد۔22مارچ (اے پی پی) او آئی سی دے سیکرٹری جنرل حسین براہیم طحہ آکھیا جو امت مسلمہ کوں درپیش چیلنجز تے سانجھی کوششاں کر تے قابو پاتا ونڄ سڳدے۔ اسرائیل فلسطینیاں دے قتل عام اتے نسل کشی اچ ملوث اے، اسرائیلی جارحیت دا مقابلہ کرݨ کیتے امت مسلمہ کوں کٹھا تھیوݨا اتے مقبوضہ کشمیر دے لوکاں کوں حق خودارادیت ݙواوݨ کیتے کوششاں کوں ٻیا تکھا کرݨا پوسی۔ منگل کوں اتھاں او آئی سی وزراء خارجہ کونسل دے 48 ویں اجلاس توں خطاب کریندیں ہوئیں انہاں آکھیا جو اسرائیل فلسطینیاں دے قتل عام اتے نسل کشی اچ ملوث اے، اسرائیلی جارحیت دا مقابلہ کرݨ کیتے امت مسلمہ کوں کٹھا تھیوݨا پوسی۔ او آئی سی دے سیکرٹری جنرل ایں ڳالھ تے وی افسوس کیتا جو جموں تے کشمیر تنازعہ وݙے عرصے توں حل طلب اے۔ انہاں پنڄ اگست 2019 دے بھارتی غیر قانونی اقدامات دے تحت مقبوضہ علاقے دی خصوصی حیثیت کوں ختم کرݨ کوں عالمی قوانین دے منافی قرار ݙتا۔ سیکرٹری جنرل پاکستان دے 75 ویں یوم آزادی تے وزرائے خارجہ کونسل دے 48 ویں اجلاس دی میزبانی تے پاکستان کوں مبارخ ݙتی اتے آکھیا جو پاکستان دی آزادی، عوام دی خوشھالی کیتے ہمیشہ دعاگو راہسوں۔

مضمون کا ماخذ : سپرمین: فلم

متعلقہ مضامین