حکومت دیاں چینڳیاں پالیسیاں نال ملکی معیشت تاں ترقی کریندی پئی اے بھل شریف ٹبر دی کرپشن گروتھ رک ڳئی اے، وزیر مملکت برائے اطلاعات فرخ حبیب

اسلام آباد۔9جولائی(اے پی پی)وزیر مملکت برائے اطلاعات فرخ حبیب آکھیے جو مریم صفدر کݙاھیں آپݨے چاچے مودی کوں فون کرتے پچھیے جو او معصوم کشمیریاں تے کیوں اتنا ظلم ورتدے پین، آزاد وجموں کشمیر الیکشن اچ جیڑھی زبان استعمال تھیندی پئی اے ایندا فیدہ کشمیریاں کوں نئیں دشمن کوں ضرور تھیندا پئے، پرچی چیئرمین کرپشن دا دائرہ آزاد وجموں کشمیر تئیں ودھاوݨ چاہندن، کشمیری عوام انہاں دے ڄال توں بچن۔ انہاں آکھیے جو الیکشن مہم توں پہلے مریم اتے بلاول کشیر دا منہ تئیں نئیں کیتا اڄ انہاں کوں کشمیری یاد آ ڳین، ݙیکھ ڳھنائے جو الیکشن اچ پی ٹی آئی کلین سویپ کریسی، گلگت بلتستان آلی کار ہک وݙا ٹرانسفرمیشن پلان آزاد و جموں کشمیر کوں وی ݙتا ویسی۔ پریس کانفرنس اچ انہاں آکھیا جو وزیر اعظم عمران خان ڄق اچ کشمیر کاز کوں جیندا کیتے، چینڳیاں پالیسیاں پاروں ملک دی معیشت تاں ترقی کریندی پؤی اے بھل صرف شریف خاندان دی کرپشن دی گروتھ رکی ہوئی اے، لوک حالی بھلیے نئیں جو مودی کیندے غھر آیا یا، ساڑھیاں دے تحفے کیں ݙتے ہن، نوازشریف مودی دے حلف تے ونڄ تے حریت راہنماواں دی بجائے فنکارا اتے جندال فیملی نال ملدے رہین۔

مضمون کا ماخذ : ہیوگو 2

متعلقہ مضامین