بیجنگ۔13ستمبر(اے پی پی) بیجنگ اچ پاکستانی سفارت خانے یوم دفاع و شہدا دے حوالے نال ھک تقریب رکھی ، پیپلز لبریشن آرمی (نیوی) چین دے چیف آف سٹاف وائس ایڈمرل ہو ژونگ منگ بطور مہمان خصوصی شرکت کیتی، تقریب اچ چین دے اعلیٰ سول اتے فوجی حکام، سفارتی کور دے ارکان، دفاعی حکام، میڈیا، پاکستانی کمیونٹی دے ارکان اتے سفارتخانے دے افسران وی شرکت کیتی۔سفیر معین الحق ایں موقع تے خطاب کریندے ہوئیں آکھیے یوم دفاع 58 سال پہلے پاکستان دے فوجیاں دے اتحاد، حوصلے اتے قربانیاں دی عکاسی کریندے جنہاں بہادری نال بلا اشتعال جارحیت دا سامݨا کیتا ۔ انہاں دہشت گردی اتے انتہا پسندی دی لعنت نال ??ڑݨ دے عزم اچ پاکستان دی قربانیاں کوں وی منیا ۔ معین الحق پاکستان دی دوستانہ اتے خیر سگالی تے مبنی خارجہ پالیسی دی کلیدی خصوصیات کوں نشابر کریندے ہوئیں اقوام متحدہ چارٹر ??ے مقاصد اتے اصولاں سانگے آپݨے ملک دی حمایت تے یواین امن مشنز اچ ایندے تعاون تے روشنی پاتی ۔ سفیر اقوام متحدہ دی سلامتی کونسل دی قرارداداں اچ درج کشمیری عوام دے حق خودارادیت سانگے پاکستان دی بھرپور حمایت تے چین دے اصول?? موقف دا شکریہ ادا کییتا۔ انہاں چین پاکستان دی تکڑی یاری دا وی ذکر کیتا جیں اچ ݙوہیں ملکاں 72 سال توں ودھ عرصے اچ ہر طرح دے اوکھے حالات اچ ھک ݙوجھے دا ساتھ ݙتا ۔ پاکستانی سفیر سانجھے دفاعی منصوبیں، تربیت اتے مشقاں دے ذریعے ݙوہیں مسلح افواج وچال اعلیٰ درجے دے سٹریٹجک اعتماد اتے نیڑے تعاون تے زور ݙیندے ہوئیں ݙسایا جو جے ایف-17 تھنڈر ایئر کرافٹ، وی ٹی-4 ٹینک، بحری فریگیٹس اتے آبدوزاں جیہے فلیگ شپ منصوبے بݨ چکن ۔
.jpg)
