نوجوان نسل اچ اعلیٰ اخلاقی اقدار کوں ودھارا ݙیوݨا تے انہاں کوں جدید علوم و ٹیکنالوجی توں آراستہ کرݨا اے، وزیراعظم عمران خان

PRIME MINISTER IMRAN KHAN ADDRESSING AT THE LAUNCH OF SCHOLARSHIP COMPLAINT PORTAL IN ISLAMABAD ON 17TH FEBRUARY, 2022.

اسلام آباد۔17فروری (اے پی پی):وزیراعظم عمران خان آکھیے جو نوجوان نسل اچ اعلیٰ اخلاقی اقدار کوں ودھارا ݙیوݨ تے انہاں کوں جدید علوم و ٹیکنالوجی توں آراستہ کرݨا اے، ایجھے مضامین کیتے وظائف ݙتن جنہاں توں ملکی ترقی دا رستہ متعین تھیوے ،سکالرشپ کمپلینٹ پورٹل دے قیام توں طلبا دی سکالرشپس متعلق شکایتاں دا ازالہ تھیسی تے شفافیت آسی ۔ اے ڳال انہاں خمیس کوں پورے ملک دے طلبا کیتے سکالرشپ کمپلینٹ پورٹل دے اجرا دی تقریب توں خطاب کریندے ہوئیں آکھی اے ، ایں موقع تے وفاقی وزیر تعلیم شفقت محمود وی موجود ہن ۔ وزیراعظم آکھیے جݙاں اساݙی حکومت آئی تاں طلبا کوں سکالرشپس دے اجرا دے حوالے ںال ٻہوں ساریاں شکایتاں دا سامݨا ہئی ۔ 18 ویں ترمیم دے بعد سکالرشپس دے اجرا دے انڄ انڄ پروگرام چلدے پئے ہن ، اساں فیصلہ کیتا جو جدید ٹیکنالوجی کوں بروئے کار گھن آندے ہوئیں سکالرشپس دے اجرا دے نظام کوں شفاف بݨِاؤں توں جو طلبا کوں میرٹ تے سکالرشپ ملن۔ وزیراعظم ہدایت کیتی جو ایجھے مضامین اچ شکالرشپ ݙتے ونڄن جنہاں توں ملکی ترقی دا رستہ متعین تھیوے ، اساکوں مختلف شعبیں دی لوڑھ تے ملکی تعمیر و ترقی کوں سامݨے رکھیندے ہوئیں تعلیم دے نظام کوں وضع کرݨا ہوسی ۔ وزیراعظم آکھیے جو کجھ مضامین ایجھے ہن جیڑھے جو موجودہ ویلے اچ آپݨی اہمیت ونڄا چکن جݙاں جو کجھ مضامین ایجھے ہن جنہاں کوں پڑھاوݨ کیتے لوک ہی ننی ملدے ۔ اساکوں مختلف شعبیں کیتے پروفیشنلز دی لوڑھ اے ،انہاں آکھیے جو سکالرشپس دے اجرا کیتے ماہرین دی ٹیم ہو سی جیڑھی جو جائزہ گھنسی انہاں شعبیں اچ سکالرشپس دی لوڑھ اے ، انہاں آکھیے جو اساں رحمت اللعالمین سکالرشپ متعارف کرایا تاں جو نوجوان نسل کوں ایں انقلاب توں روشناس کرایا ونڄ سڳے جیڑھا جو حضور نبی کریمﷺ مدینہ دی ریاست اچ برپا کیتا ہئی ۔ انہاں آکھیے جیڑھا وی معاشرہ اتے ریاست انہاں اصولاں کوں اختیارکریسی جنہاں دی بنیاد تے مدینے دی ریاست تشکیل ݙتی ڳئی ، او خوشحالی تے ترقی دے رستے تے گامزن تھی ویسی ۔ انہاں آکھیے جواسلام اچ جبر کائنی ساݙا فرض اے جو نینگراں کوں صحیح رستے بارے آگاہی ݙیوں ۔ وزیراعظم آکھیے جو پاکستان دے قیام دا مقصد اسلامی فلاحی ریاست دی تشکیل ہئی۔ نینگراں کوں جدید ٹیکنالوجی دی تعلیم ݙیوݨ تے اسلامی تعلیمات بارے ݙساوݨ دی لوڑھ اے ۔حکومت ایں طبقے کوں اتے چاوݨ دی کوشش کریندی پئی اے جیں اچ اڳوں ودھݨ دی صلاحیت تے جستجو اے۔ نمل یونیورسٹی اچ غریب گھراݨے دے ٻالاں بہترین کاکردگی دا مظاہرہ کیتے کیوں جو انہاں اچ اڳوں ودھݨ دی لڳن ہئی۔ ایندے توں پہلے وزیراعظم بٹن دبا تے ملک دے طلبا کیتے سکالرشپ کمپلینٹ پورٹل دا اجرا کیتا۔

مضمون کا ماخذ : جادوئی اسپن

متعلقہ مضامین