پنجاب حکومت ” رمضان المبارک سپورٹس سیریز” دی منظوری ݙے ݙتی

اسلام آباد۔5اپریل(اے پی پی)پنجاب حکومت “رمضان المبارک سپورٹس سیریز”دی منظوری ݙے ݙتی اے۔ نگران وزیراعلیٰ پنجاب محسن نقوی دی اڳواݨی اچ اجلاس تھئے جیندے اچ صوبائی وزیر اطلاعات عامرمیر، مشیر برائے کھیل وہاب ریاض، چیف سی??رٹری، سی??رٹری سپورٹس، سی??رٹری اطلاعات، کمشنر لاہور، ڈی سی لاہور، ڈی جی سپورٹس اتے متعلقہ حکام شرکت کیتی۔ اجلاس کوں بریفنگ ݙت?? ڳئی جو “رمضان المبارک سپورٹس سیریز” اچ فٹبال، ٹیبل ٹینس، بیڈمنٹن، ہاکی، کبڈی اتے کرکٹ دے مقابلے ےھینس جیندے اچ صوبے دے 9 ڈویژناں دیاں ٹیماں حصہ ڳھنسن اتے اے مقابلے سپانسرڈ ہوسن۔ سرکاری فنڈ خرچ نہ کیتے ویسن۔ جیتݨ آلیاں ٹیماں کوں 85 لکھ روپے دے انعامات ݙتے ویسن۔ کرکٹ، ہاکی، کبڈی، بیڈمنٹن، فٹبال اتے ٹیبل ٹینس دے ونرز کوں 2، 2 لکھ روپے نقد انعام ݙتا ویسی۔ ہاکی دے مقابلے منی ہاکی سٹیڈیم اچ 7 توں 11 اپریل تئیں روزانہ رات کوں تھیسن۔ فٹبال اتے کبڈی دے مقابلے پنجاب فٹبال سٹیڈیم، ٹیبل ٹینس ے مقابلے سپورٹس جمنیزیم اچ تھیسن۔